ამ სტატიაში მოცემულია, ლინუქსის ძირითადი ბრძანები მოკლე შინაარსობრივი აღწერით. დეტალური ინფორმაციის მისაღებად გამოიყენეთ man ბრძანება ან help ოპცია.

 

ნიმუშები:

man command

command —help

ფაილების სამართავად

LS – ბრძანება გვიჩვენებს, როგორც მიმდებარე დირექტორიაში არსებულ ფაილებს, ასევე ამ ფაილების წვდომის უფლებებს, შექმნისა და მოდიფიცირების დროსა და ზომას

CAT – მეშვეობით შეგიძლიათ ტექსტური ფაილის გაუხსნელად გამოიტანოთ Terminal-ის ემულატორში მისი შიგთავსი, ტექსტური ფაილის შექმნა ან უკვე არსებულ ტექსტურ ფაილში ჩანაწერის დამატება.

CD – ბრძანების გამოყენებით ჩვენ გადავდივართ სასურველ დირექტორიაში.

PWD – გვიჩვენებს ამჟამინდელ დირექტორიას.

MKDIR – გვაძლევს საშუალებას შევქმნათ ერთი ან რამოდენიმე დირექტორია.

FILE – გვიჩვენებს ფაილის გაფართოებას. ლინუქსში ფაილის გაფართოება არ განისაზღვრება ფაილის სახელის ბოლოს წერთილითა და გაფართოების სახელით. “.TXT .EXE და სხვა “

CP – ბრძანებით გვეძლევა საშუალება შევქმნათ ფაილის ან დირექტორიის ასლი და მისი გამოყენება დაგეხმარებათ საკონფიგურაციო ფაილების თავდაპირველი ვერსიის შენახვაში.

MV – ბრძანებით შეგიძლიათ გადაიტანოთ ფაილი ან დირექტორია. ასევე ის გაძლევთ საშუალებას შეუცვალოთ სახელი ფაილსა და დირექტორიას .

RM – შეგიძლიათ წაშალოთ ფაილები და დირექტორიები. ამ ბრძანების გამოყენებას გირჩევთ ყურადღებით, რადგან შესაძლოა დაკარგოთ ღირებული ინფორმაცია არასწორი სინტაქსისის გამოყენებით ან წაშალოთ / დირექტორია.

LN – გაძლევთ საშუალებას, შექმნათ მყარი ან სიმბოლური ბმულები. სიმბოლური ბმულები შეგიძლიათ მიამსგავსოთ WINDOWS-ში ეგრეთ წოდებულ პროგრამების იარლიკებს. მყარი ბმულები, სიმბოლური ბმულებისგან განსხვავებით, მიუთითებს დისკის იმ ფიზიკურ მისამართზე, სადაც ინახება ფაილის მონაცემები.

CHMOD – ფაილებზე წვდომის დასანიშნად როგორიცაა წაკითხვა, ჩაწერა და გაშვება.

CHOWN – ფაილს ანიჭებს მომხმარებელსა და ჯგუფს.

FIND – ეძებს ფაილურ სისტემაში, ფაილებსა და დირექტორიებში.

DU – გიჩვენებთ ფაილის ან საქაღალდის ზომას.

DF – აანალიზებს დისკის სივრცეს.

DD – ქმნის და წერს დისკების სურათს.

MOUNT / UMOUNT – ეს არის Linux Terminal ემულატორის ბრძანებები Linux ფაილური სისტემის მონტაჟისა და განტვირთვისთვის. გვაძლევს საშუალებას დავაერთოდ USB, ISO და სხვა მსგავსი ფაილები და მოწყობილობები.

ტექსტის სამართავი ბრძანებები Terminal-იდან

GREP – ეძებს გარკვეულ ტექსტს მოცმულ ტექსტურ ფაილში.

SORT – ტექსტის სტრიქონების დალაგება სხვადასხვა კრიტერიუმების მიხედვით.

WC – სიტყვების, სტრიქონების, ბაიტებისა და სიმბოლოების რაოდენობის დასათვლელად.

DIFF – ადარებს ორ ტექსტურ ფაილს და Terminal-ის ემულატორში გამოაქვს ის სტრიქონები, რომელიც განსხვავდება ორ ფაილს შორის.

ლინუქსის პროცესების სამართავი ბრძანებები

KILL / XKILL / PKILL /KILLALL – ემსახურება პროცესების დასრულებას. მაგრამ ისინი სხვადასხვა პარამეტრებს იღებენ პროცესების დასადგენად. Kill – ს სჭირდება პროცესის PID-ი, xkill უბრალოდ დაკლიკეთ ფანჯარას, რომ დახუროს. killall და pkill საზღვრავს პროცესის სახელით.

PS / PGREP – როგორც უკვე აღვნიშნე, პროცესის შესაწყვეტად საჭიროა მისი იდენტიფიკატორი. მისი მიღების ერთ-ერთი გზა არის ps, რომელსაც გამოაქვს ინფორმაცია გაშვებული პროცესების შესახებ.

pgrep ასე მუშაობს: თქვენ აძლევთ პროცესის სახელს და ბრძანება აჩვენებს მის ID- ს.

TOP / HTOP – გიჩვენებთ პროცესების სახელებს ID-ს თუ რომელი მომხმარებლის მიერ იქნა ის გაშვებული.
ასევე გიჩვენებთ, რესურსების დატვირთვას, ოპერატიულ მეხსიერებაზე, პროცესორსა და swap განყოფილებაზე.

მომხმარებლის გარემო

SU / SUDO – ამ ორი ბრძანების დანიშნულება ერთია მაგრამ არის მცირე განსხვავება.
su– აკეთებს მომხმარებლის გადართვას, ხოლო sudo– ასრულებს მისი სახელით ბრძანებას.

DATE – გამოაქვს ამჟამინდელი დრო და თარიღი.

ALIAS – ქმნის ბრძანების/ბრძანებების ბმულებს ან ცვლის უკვე არსებულ ბრძანებას. ასევე გიჩვენებთ ყველა არსებულ ბრძანებების ბმულებს.

UNAME – გიჩვენებთ ძირითად ინფორმაციას სისტემის შესახებ.

UPTIME – გიჩვენებთ თუ რამდენი ხნის წინ იყო ჩართული სისტემა.

მომხმარებლის სამართავი ბრძანებები

USERADD / USERDEL / USERMOD – ბრძანებების დასახელებები ყველაფერს ახწერს. ამ ბრძანებების მეშვეობით თქვენ გეძლევათ საშუალება დაამატოთ, შეცვალოთ ან წაშალოთ მომხმარებლის ანგარიში.

PASSWD – ბრძანება, გაძლევთ საშუალებას შეცვალოთ მომხმარებლის პაროლი.