F3 (Fight Flash Fraud) არის მარტივი, მაგრამ ძალიან სასარგებლო უტილიტა ლინუქსისთვის,რომელიც გამოიყენება ტესტირებისთვის, USB ფლეშ მეხსიერებების და SD ბარათების სანდოობის შესამოწმებლად .
რა არის F3-ის დანიშნულება?
F3 დაგეხმარებათ გამოავლინოთ ყალბი ან დეფექტური მეხსიერების მოწყობილობები, რომლებიც აჩვენებენ უფრო მეტ მოცულობას, ვიდრე რეალურად აქვთ. ეს ხშირი პრობლემაა იაფ ან არასანდო წყაროებიდან შეძენილ მოწყობილობებში.
როგორ მუშაობს F3?
F3 შედგება რამდენიმე ძირითადი კომპონენტისგან:
- f3write – ინსტრუმენტი ქმნის სპეციალურ ტესტ ფაილებს, რომლებიც ავსებენ მთელ ხელმისაწვდომ სივრცეს მეხსიერებაში.
- f3read – კითხულობს ამ ფაილებს და ამოწმებს მათ მთლიანობას
- f3probe – უფრო სწრაფი, დაბალი დონის ტესტი, რომელიც პირდაპირ მოწყობილობასთან მუშაობს
თუ ფლეშ მეხსიერება ყალბია, F3 გამოავლენს დაშვებულ შეცდომებს და არამართებულ მისამართებზე წვდომას.
ინსტალაცია
ლინუქსზე F3-ის დასაყენებლად გამოიყენეთ თქვენი დისტრიბუტივის პაკეტების მენეჯერი:
Ubuntu/Debian:
sudo apt-get install f3
Fedora:
sudo dnf install f3
Arch Linux:
sudo pacman -S f3გამოყენების მაგალითები
სტანდარტული ტესტი (f3write/f3read)
- დააფორმატეთ თქვენი USB ფლეშ მეხსიერება ან SD ბარათი
- მოწყობილობის ტესტი:
დამონტაჟებულ მოწყობილობაზე ტესტური ფაილების ჩაწერა
f3write /media/myusb/
ტესტური ფაილების წაკითხვა და შემოწმება
f3read /media/myusb/
სწრაფი ტესტი (f3probe)
f3probe არის F3-ის უფრო მძლავრი ფუნქცია, რომელიც:
- უფრო სწრაფად ასრულებს ტესტირებას, ვიდრე f3write/f3read კომბინაცია. ( f3write/f3read ტესტს შეიძლება საათები დასჭირდეს ).
- პირდაპირ მოწყობილობაზე მუშაობს (და არა დამონტაჟებულ ფაილურ სისტემაზე).
- აღმოაჩენს უფრო რთულ და დახვეწილ გაყალბების მეთოდებს
მნიშვნელოვანი პარამეტრები:
- -t ტესტირებისას იყენებს დროებით ფაილებს
- -n არადესტრუქციული ტესტირება, რაც ნიშნავს რომ შეინარჩუნებს მოწყობილობაზე არსებულ მონაცემებს
გამოყენების მაგალითი:
sudo f3probe -t -n /dev/sdb
გაითვალისწინეთ, რომ f3probe მოითხოვს root პრივილეგიებს და უშუალოდ block მოწყობილობაზე მუშაობს (მაგ. /dev/sdb, და არა /media/myusb/).
მაგალითისთვის გიჩვენებთ ჩემს სქრინს, რომელიც გამყიდველის მიერ იყო ანონსირებული, როგორც 1T-ი ფლეშ მეხსიერება.
შედეგების გაგება
F3-ის გაშვების შემდეგ მიიღებთ შედეგებს, რომლებიც გვიჩვენებს:
- რეალური მოცულობა vs გაცხადებული მოცულობა
- ჩაწერა/წაკითხვის სიჩქარე
- რამდენად სანდოა თქვენი მოწყობილობა
თუ პროგრამა იპოვნის განსხვავებას გაცხადებულ და რეალურ მოცულობას შორის, ეს ნიშნავს, რომ თქვენი მოწყობილობა სავარაუდოდ ყალბია.
დამატებითი ფუნქციები
თუ აღმოაჩენთ, რომ თქვენი ფლეშ მეხსიერება ყალბია, შეგიძლიათ f3fix გამოიყენოთ, რათა რეალური მოცულობა პროგრამულად დაყენდეს და თავიდან აიცილოთ მონაცემთა დაკარგვა.
- f3fix – ყალბი მოწყობილობის რეალური ზომით ფორმატირება
ეს მარტივი, მაგრამ ეფექტური ინსტრუმენტი დაგიცავთ მონაცემთა დაკარგვისგან, რაც შეიძლება გამოიწვიოს უხარისხო USB ფლეშ დრაივებმა და SD ბარათებმა (მეხსიერების მოწყობილობებმა).
