სრულფასოვანი ოპერაციული სისტემა Termux-ზე

ამ სტატიის ფარგლებში განვიხილავთ თუ როგორ შეგვიძლია გარდავქმნათ ბევრისთვის ნაცნობი და საკმაოდ პოპულარული Termux-ი “სრულფასოვან ოპერაციულ სისტემად“.

ვინც დაინტერესებულნი ხართ, გამოგიყენებიათ ან გსმენიათ Termux-ის შესახებ, ალბათ იცით, რომ ეს არის უფასო Terminal-ის ემულატორი Android-ის ოპერაციული სისტემებისთვის.
მასში მუშაობა ხდება ბრძანებათა ხაზის მეშვეობით, რომელიც მოიცავს GNU/Linux-ის ოპერაციული სისტემების პაკეტების დიდ რაოდენობას (სიას), რომლის საწყისად ნაგულისხმევი პაკეტების მენეჯერი გახლავთ pkg-ი. მასში ასევე ხელმისაწვდომია Debian-ში და მასზე დაფუძვნებულ დისტრიბუტივებში არსებული პაკეტების მენეჯერი apt-ი.

როგორ გადმოვწეროთ და ვისარგებლოთ Termux-ით, შეგიძლიათ გაეცნოთ ქვემოთ მოცემულ სტატიებში:

• Termux – მონაცემთა ბაზების სერვერი
• როგორ გავიადვილოთ მუშაობა Termux-ში
• დავიცვათ Termux-ი თითის ანაბეჭდით
• Kali Linux-ი თქვენს მობილურზე
• sshd server-ის დაყენება

რა არის ამისთვის საჭირო?

• Android მოწყობილობა
• Termux-ი
  • git
  • ssh
• RDP კლიენტი
• კომპიუტერი (სასურველია)

Termux-ის გარემოში მოქნილი მუშაობისთვის, სასურველია გამოვიყენოთ Bluetooth keyboard-ი ან ssh კავშირი.

ხოლო რაც შეეხება RDP კლიენტს, ის შეგიძლიათ დააყენოთ, როგორც კომპიუტერზე ასევე სმართფონზე.

RDP კლიენტი pc

• Remote viewer
• TigerVNC
• VNCviewer
• Remmina
• და სხვა…

RDP კლიენტი Android-ის

• VNCviewer
• bVNC
• AVNC

კეთილი, მოდით შევუდგეთ Termux-ზე სამუშაო გარემოს / DE (Desktop Envirement) ინსტალირებას.
დავიწყოთ განახლებებით.

pkg update && pkg upgrade -y

შემდგომ დავაყენოთ git რომ შევძლოთ github-ის რეპოზიტორიების ჩამოტვირთვა.

pkg install git

ჩამოტვირთედ Termux DE-ს პროექტი.

git clone https://github.com/Yisus7u7/termux-desktop-xfce

გადავინაცვლოთ ჩამოტვირთული პროექტის დირექტორიაში.

cd termux-desktop-xfce

გავუშვათ გარემოს ინსტალაცია და დაველოდოთ მანამ სანამ პროცესი არ დასრულდება.

ინსტალაციის სისწრაფე დამოკიდებულია თქვენი ინტერნეტის სიჩქარესა და სმართფონის სიმძლავრეზე

./bootstrap.sh

DE-ს ჩამოტვირთვის შემდგომ Termux-ი მოგვთხოვს სმართფონზე არსებულ ფაილებთან წვდომას რაზეც ვეთანხმებით.

გავუშვათ VNC სერვერი.

პირველ ჯერზე გაშვებისას VNC სერვერი მოგვთხოვს პაროლის შეყვანას, რომლის სიგრძეც უნდა იყოს ან აღემატებოდეს 6 სიმბოლოს.

vncserver

ამით სრულდება ინსტალაციისა და საწყისი კონფიგურაციის პროცესი.

ახლა შეგიძლიათ თავისუფლად გადაინაცვლოთ თქვენთვის სასრუველ მოწყობილობაზე და დაუკავშირდეთ VNC სერვერს.

Android-ით დაკავშირებისას გამოიყენეთ Loopback კავშირი და პორტი 1.

127.0.0.1:1

კომპიუტეერით ან სხვა მოწყობილობიდან კავშირისას.

192.168.X.X:5901

პაროლისის დავიწყებისას ან მის შესაცვლელად გამოიყენეთ დაბლა მოცემული ბრძანება.

vncpass

vncserver-ის ყველა ოფციის სანახავად გამოიყენეთ -help ოფცია, ხოლო გაშვებული DISPLAY-ების სიის სანახავად.

vncserver -list

გრაფიკულ გარემოზე წვდომის გასათიშათ გამოიყენეთ vncserver ბრძანება -kill ოფციით, სადაც არგუმენტად გადასცემთ DISPLAY-ს ნომერს, რომელიც აღნიშნული იქნება :1-ით.

ბრძანების მაგლითი

vncserver -kill :1

გისურვებთ წარმატებებს !
დამატებითი კითხვების შემთხვევაში დატოვეთ კომენტარი.

თენგიზ

Georgia IT Helpers WEB-გვერდის მთავარი ადმინისტრატორი. პროფესიით სისტემების და ქსელების უფროსი ადმინისტრატორი. რამოდენიმე წლის წინ გავეცანი GNU/Linux-ის ოჯახის ოპერაციულ სისტემებს. მას შემდეგ დამიგროვდა არც თუ ისე ცოტა გამოცდილება და გადვწყვიტე დაგროვილი ცოდნა დავახმარო GNU/Linux-ით და IT სფეროთი დაინტერესებულ საზოგადოებას.

View all posts