როგორ ვაჩუქოთ მეორე სიცოცხლე ძველ და სუსტ კომპიუტერს ?

მოგესალმებით მეგობრებო,

გამომდინარე იქედან, რომ ინტერნეტ სივრცესა და უშუალოდ ჩვენს Discord ჯგუფში არაერთხელ გაიჟღერა კითხვამ იმის შესახებ თუ როგორ…..

როგორ გადავიდე Linux-ის დისტრიბუტივზე ?
რომელი დისტრიბუტივი ავირჩიო ?
რომელი ჰგავს უფრო Windows ?

ხოლო კომუნიკაციის შემდგომ ხშირად დგინდება, რომ ხალხის უმეტეს ნაწილს აქვს ძალიან სუსტი მონაცემების მქონე კომპიუტერი, (მაგალითად სკოლი ბუქები) ან სურთ დაიწყონ რაიმე მარტივიდან რათა შეისწავლონ ან გაეცნონ Linux-ს და არ გაუჭირდეთ მასში ნავიგაცია/ადაპტაცია.

სწორედ ამიტომ გადავწყვიტეთ დაგვეწერა სტატია Linux-ის დისტრიბუტივის Raspbian-ის შესახებ, რომელიც გადაჭრის ზემოდ ჩამოთვლილ პრობლემებს.

ყურადღება !!!

სტატიის ავტორი პასუხს არ აგებს თქვენს მიერ განხორციელებულ ქმედებებზე.

გავეცნოთ მცირე ინფორმაციას მის შესახებ

Raspbian არის Debian Buster-ზე დაფუძვნებული Linux-დისტრიბუტივი, რომელიც გათვლილია ერთ დაფიანი კომპიუტერისთვის Raspberry PI.

ხოლო, რაც შეეხება სისტემურ მოთხოვნებს, მისი ინსტალაციისა და გამართული მუშაობისთვის საჭიროა:

CPU: x32/x64 Bit 1.4 Ghz
GPU: 512 Mb
RAM: 1024 Mb ან მეტი
HDD: 8 Gb მინიმალური

ინსტალაციის დაწყებამდე დაგვჭირდება ჩამოვტვირთოთ Raspberry Pi Desktop-ის ISO ფაილი და შევქმნათ ჩამტვირთავი ფლეშკა.
თუ როგორ შევქმნათ ჩამტვირთვაი ფლეშკა იხილეთ აქ.

Raspbian-ში ნავიგაციის გასამარტივებლად ჩვენ გვაქს საშუალება მისი საწყისი გარემო მივამსგავსოთ Windows 10.
ამისათვის ჩვენ დაგვჭირდება გავხსნათ Terminal-ის ემულატორი და შევიყვანოთ დაბლა მოცემული ბრძანებები.

sudo apt update

sudo apt upgrade -y

git clone https://github.com/Botspot/Windows-10

cd Windows-10

sudo ./install

როდესაც იხილავთ შემდეგ სურათს დაეთანხმეთ “OK” ღილაკით

შემდეგ სწრაფი აპლიკაციების პანელზე (Task bar-ზე) კონტექსტური მენიუს მეშვეობით აირჩიეთ Panel Settings, როგორც სურათზეა ნაჩვენები.

Geometry > Position > Edge-ში ვირჩევთ Bottom-ს

თემის ინსტალაციის დასრულების შემდეგ საჭიროა Terminal-ის ემულატორში გაუწეროთ გადატვირთვის ბრძანება.

reboot

ან

init 6

თუ კი მოისურვებთ Windows 10 თემის წაშლას

cd Windows-10

sudo ./uninstall

თენგიზ

Georgia IT Helpers WEB-გვერდის მთავარი ადმინისტრატორი. პროფესიით სისტემების და ქსელების უფროსი ადმინისტრატორი. რამოდენიმე წლის წინ გავეცანი GNU/Linux-ის ოჯახის ოპერაციულ სისტემებს. მას შემდეგ დამიგროვდა არც თუ ისე ცოტა გამოცდილება და გადვწყვიტე დაგროვილი ცოდნა დავახმარო GNU/Linux-ით და IT სფეროთი დაინტერესებულ საზოგადოებას.